1907-1950 Ауылымыздың беріректегі тарихынан сыр шертетін тарихи орын - Байқоңыр көмір кен орындары. Шахта 1914 жылы Байқоңыр көмір кенінің ашылуына байланысты қаланған. Байқоңырда 1951 жылға дейін тас көмір өндірілген.
Байқоңыр жеріндегі тас көмірді ағылшындардың игеруі мен Қарсақбай металлургия зауытының құрылуы тығыз байланысты. Қарсақбай металлургия зауытының жұмыс істеуіне негіз болған Байқоңыр жеріндегі шахтаның жұмыс істеуі негізінде игерілген көмір. Байқоңыр шахталарында игерілген көмір Қарсақбай металлургия зауытының жұмыс жасауына және үлкен жетістіктерге жетуіне үлкен үлес қосты. Бүгін де Байқоңырдағы шахталардың орындары , үйінділері, теміржол қалдықтары және көмір қалдықтары сақталған. Шахтадан шығарылған көмір Қарсабайға темір жол арқылы жөнелтілген. Бүгінгі күні аталған темір жол орындары да сақталған. Шахтаға түсер алдында жерден қазылып алынған үйінділер саны 20-ға жуық. Ол үйінділердің түсі жердің топырағына байланысты әртүрлі. Жерді қазудың нәтижесінде үлкен шұңқырлар пайда болған. Бұл шұңқырлар – шахтаға түсетін жол болған. Шахтадағы жұмыстардың барлығы дерлік қол күшімен жасалған. Адамдар шахтаға өте тар жолмен түсіп, сол жолмен жердің үстіне шыққан.
